२१ चैत्र २०८१, बिहिबार | April 3, 2025

मोटरसाइकल र ई-रिक्सा चोरी गर्नेहरु सवारी साधन सहित पक्राउ



नेपालगन्ज । नेपालगन्जका बिभिन्न स्थानबाट मोटरसाइकल र ई-रिक्सा चोरी गर्नेहरुलाई प्रहरीले चोरी गरेको सवारी साधन सहित पक्राउ गरेको छ । फरक मितिमा हराएका २ मोटरसाइकल र एकथान रिक्सा चोरी गर्नेहरुलाई प्रहरीले सवारी सधान सहित पक्राउ गरेको हो ।

पक्राउ पर्नेमा सुर्खेत बिरेन्द्रनगर ४ का २१ वर्षिय पवन पाण्डे, नेपालगन्ज १६ का २० वर्षिय अमिर ढापाली र जानकी १ का २१ वर्षिय ओमप्रकाश जरवट रहेका छन् ।

पक्राउ परेका पाण्डेले गत माघ १७ गते नेपालगन्ज ४ वसापर्क नजिकबाट प्र ०२-००१८-६९०० नम्बरको च्बुलेट मोटरसाईकल चोरी गरेको प्रहरीले जनाएको छ । मोटरसाइकल हराएको सूचना पाए लगत्तै परिचालित प्रहरीले माघ १८ गते कोहलपुर नगरपालिका ३ किरणनाला नजिक बेवारिसे अवस्थामा मोटरसाइकल फेला पारेको तथा चोरीमा संलग्न मानिस खोजतलास गर्ने क्रममा मिति चैत्र ११ गते सुर्खेतबाट पाण्डेलाई पक्राउ गरिएको प्रहरीले जनाएको छ ।

त्यसैगरि चैत्र १२ गते नेपालगन्ज १२ गणेशमान चोकबाट भे १२ प ३०६१ नम्बरको साइन मोटरसाइकल चोरी भएकोमा नेपालगन्ज १६ मन्नपुरवाबाट सोही स्थान बस्ने ढापालीलाई मोटरसाइकल सहित पक्राउ गरिइको बाँके प्रहरी प्रवक्ता डीएसपी दीपक ढापालीले बताए ।

प्रहरीका अनुसार नेपालगन्ज १७ नवजीगाउँबाट ने १ ह ३०७० नम्बरको ई(रिक्सा हराएको सूचना पाएको प्रहरीले सोही वडाको ढोडेगाउँबाट रिक्सा सहित जानकी १ का जरवटलाई प्रहरीले पक्राउ गरेको हो । पक्राउ परेका तीनै जनालाई चोरी कसुरमा अनुसन्धान भइरहेको डीएसपी पातालीले बताए ।

प्रकाशित मिति : १४ चैत्र २०८१, बिहिबार  ११ : ०७ बजे

दशौं डाँफे कपको उपाधी न्यू डाँफेले उचाल्यो

खजुरा । बाँकेको खजुरामा जारी दशौं डाँफे कप नकआउट फुटबल

लुम्बिनी प्राबिधिक विश्वविद्यालयलाई जग्गा दिलाइदिन संघीय मन्त्रीलाई प्रचण्डको टेलिफोन

खजुरा । नेकपा माओवादी केन्द्रका अध्यक्ष पुष्पकमल दाहाल प्रचण्डले बाँकेको

२० लाखभन्दा बढी रकमसहित चिनियाँ नागरिक पक्राउ

काठमाडौँ । नेपाल प्रहरीले रु २० लाख ९२ हजार नगदसहित

शिशु कल्याण पाठशालाको सातौं वार्षिकोत्सव सम्पन्न

बुटवल । तिलोत्तमा नगरपालिका वडा नम्बर-२ योगीकुटीमा अवस्थित श्री शिशु