काठमाडौं। राष्ट्रिय स्वतन्त्र पार्टी (रास्वपा) सभापति रवि लामिछानेविरुद्ध जिल्ला अदालत कास्कीमा आज मुद्दा दर्ता हुँदैछ ।
सूर्यदर्शन सहकारीको बचत अपचलन प्रकरणमा कास्की जिल्ला प्रहरीको हिरासतमा रहेका लामिछानेसहित पूर्वडिआइजी छविलाल जोशी, जिबी राइका साझेदार रामप्रसाद खनाल, लिला पछाई र कृष्ण गुरूङविरूद्ध आज मुद्दा दर्ता हुन लागेको हो ।
जिल्ला सरकारी वकिलको कार्यालयले जिल्ला अदालतमा उनीविरुद्ध सहकारी ठगी, सङ्गठित अपराध र सम्पत्ति शुद्धीकरण मुद्दामा अभियोग दर्ता गराउन लागेको बताइएको छ ।
यसअघि शुक्रवार जिबी राईसहित फरार १९ जनाविरुद्ध मुद्दा दर्ता भएको थियो । उनीहरुविरुद्धको अभियोगपत्रमा १ अर्ब ५१ करोड ४० लाख १९ हजार १ सय ९४ बिगो कायम गरिएको छ । त्यसअघि सहकारी ठगीको मात्र दर्ता गरिएको अभियोगमा १ अर्ब ११ करोड १९ लाख ४३ हजार ४५ मागदाबी थियो
प्रतिक्रिया