नेपालगन्ज । नेपालगन्ज उद्योग बाणिज्य संघले नवौं सृङ्खलाको प्रादेशिक महोत्सव गर्ने भएको छ । संघले पुस ४ देखि १६ गतेसम्म नेपालगन्जमा नवौं प्रादेशिक महोत्सव आयोजना गर्ने भएको हो ।
उद्योग बाणिज्य संघले आज पत्रकार सम्मेलन गरेर महोत्सवका बारेमा जानकारी दिँदै यसवर्षको महोत्सवमा ‘उद्योग, व्यापार, कृषि, जडिबुटी र पर्यटन, व्यवसायिक उद्यमशाला तथा कला संस्कृतिको प्रवद्र्धन’ भन्ने नारा तय गरिएको जनाएको छ ।
पत्रकार सम्मेलनमा बोल्दै संघका अध्यक्ष टंकबहादुर धामीले ८ वटा मेला भन्दा फरक र अझै परिस्कृत ब्यवस्गापनका साथ महोत्सव आयोजना गरिने बताए । उनले लुम्बिनी प्रदेशका सम्पूर्ण उद्योगी, व्यवसायीका साथै कर्णाली र सुदूरपश्चिम प्रदेशका उद्योगी, व्यवसायीसमेत एउटै स्थानमा समेटेर उद्यमशिलता र ब्यवसायको प्रबद्र्धनका बारेमा महोत्सवमा बहस हुने बताए । महोत्सवमा उद्योगहरुको प्रत्यक्ष डेमोस्टेशन हुने जानकारी दिँदै अध्यक्ष धामीले सानो पुँजी लगानी गरेर उद्यम गर्न चाहने उद्योगीहरुले महोत्सवबाट केही सिकेर जाने वातावरण बनाईने जनाए ।
पत्रकारहरुको जिज्ञासाको जवाफ दिँदै अध्यक्ष धामीले स्थायी प्रदर्शनी स्थल बनाउने कुरामा संघ दृढसंकल्पित रहेको दाबी गर्दै सरकारले भोगाधिकार दिएर फिर्ता गरेको जग्गा पुनः प्राप्तिका लागि पहल थालिएको जानकारी दिए । विगतमा बहुउद्देश्यीय सभा गृह बनाउनका लागि भन्दै महोत्सव आयोजना गरिँदै आएको थियो । सभा गृह बनाउने भनेर सरकारले संघको नाममा भोगाधिकार दिएको सडक विभागको १० बिगाहा जग्गा संघको बिगतको नेतृत्वले प्रदर्शनी स्थल बनाउने सक्रियता नदेखाएपछि सरकारले फिर्ता लिइसकेको छ ।
महोत्सवमा ३ सउ स्टल रहने र तीन लाख बढी अवलोकनकर्ताले अवलोकन गर्ने आशा राखिएको धामीले बताए ।
संघका महासचिव भीमबहादुर रानाभाटले पश्चिम नेपालको उद्योग, पर्यटन र कृषि क्षेत्रको समृद्धिमा टेवा पु¥याउने उद्देश्यले महोत्सव आयोजना गर्न थालेको र महोत्सवबाट औद्योगिक एवं व्यवसायिक क्षेत्रमा नविन उर्जा थपिने दाबी गरे । संघले साढे दुई दशकदेखि यस्ता महोत्सव गर्दै आएको छ ।
प्रतिक्रिया