काठमाडौँ । नेपाल पञ्चाङ्ग निर्णायक विकास समितिले यस वर्षको दसैँको टीका लगाउने साइत निर्धारण गरेको छ । समितिले यस वर्षको दसैँको टीकाको उत्तम साइत असोज २६ गते बिहान ११ बजेर ३६ मिनेटमा रहेको जनाएको छ । शुक्रबार नेपाल पञ्चाङ्ग निर्णायक विकास समितिले सूचना जारी गर्दै बिहान ८ बजेर ३३ मिनेटमा देवी विसर्जन गर्ने र ११ बजेर ३६ मिनेटको साइतमा टीका लगाउन उत्तम हुने जनाएको हो ।
समितिका अनुसार घटस्थापनाको साइत असोज १७ गते बिहान ९ बजेर १६ मिनेटमा रहेको छ । यस्तै असोज २४ गते फूलपाती भित्राउने शुभसाइत बिहान ७ बजेर ११ मिनेटमा रहेको समितिले जनाएको छ । असोज २५ गते महाअष्टमी, कालरात्रि र महानवमी एकै दिन परेको समितिले जनाएको छ ।
समितिले टीका लगाइमाग्ने व्यक्तिले पूर्व फर्किनुपर्ने र लगाईदिने पश्चिम फर्केर टीका लगाईदिनुपर्ने समितिले उल्लेख गरेको छ ।
असोज ३० गते कोजाग्रत पूर्णिमादेखि दसैँ पनि सकिने छ ।
प्रतिक्रिया