३ आश्विन २०८१, बिहिबार | September 20, 2024

अमेरिकी राजदूत थम्पसनले गरे  स्वर्गीय टेड रिकार्डीबाट सङ्कलित पुस्तकसहितको पुस्तकालय उद्घाटन



भक्तपुर । नेपालका लागि अमेरिकी राजदूत डिन आर थम्पसनले भक्तपुरको नागाँचामा आरपी फाउन्डेसनद्वारा सञ्चालित नेपाल भोकेसनल एकेडेमीमा पुस्तकालयको आज उद्घाटन गरेका छन् । करिब ५० वर्ष नेपालमा रहेर यहाँका कला, सम्पदा र विभिन्न पक्षको अध्ययन गरेका अमेरिकी प्राध्यापक स्वर्गीय थियोडोर टेड रिकार्डीले सङ्कलन गरेका पाँच हजार पुस्तकसहितको पुस्तकालयको उनले आज उद्घाटन गरेका हुन् ।

अमेरिकी दूतावासको सहयोगमा अमेरिका र अन्य क्षेत्रबाट नेपाली सोध–अनुसन्धान तथा एशियाली सन्दर्भ एव साहित्यिक–प्राज्ञिकलगायत विभिन्न कला, संस्कृति, वास्तुकला, सम्पदासम्बन्धी अनुसन्धानमूलक पुस्तक तथा सोध सामग्री सङ्कलनगरी पुस्तकालयमा राखिएका छन् ।

त्यस अवसरमा राजदूत थम्पसनले वर्षौंदेखिको अमेरिका र नेपालको मैत्रीपूर्ण सम्बन्धलाई पुस्तकालयले थप स्मरणीय र मजबुद बनाएको बताए । उनले हजारौँ वर्ष पुराना र महत्वपूर्ण पुस्तकले उचित स्थान पाएको र पुस्तकालय नेपालकै लागि महत्वपूर्ण रहेको धारणा राखे । “यो पुस्तकालय नयाँ पुस्तालाई इतिहासदेखि विभिन्न चरणका महत्वपूर्ण जानकारीबारे अध्ययन गर्न निकै उपलब्धिमूलक हुनेछ । यो नेपालकै लागि वरदान सावित हुने विश्वास लिएको छु”, राजदूत थम्पसनले भने ।

कार्यक्रममा स्व रिकार्डीकी श्रीमती कुनले आफ्नो श्रीमान्को जीवनी र उनले नेपालमा गरेको सेवा र अध्ययनका बारेमा चर्चा गरिन् । अमेरिकामा रहेका पुस्तकहरु ल्याएर नेपालमा उनकै नाममा पुस्तकालय स्थापना गर्नु शौभाग्य भएको भन्दै कुनले आफ्नो नासो नेपालका लागि सुम्पेको बताइन् । उनले यहाँ राखिएका पुस्तक नेपाली र विदेशी नागरिकका लागि अध्ययन अध्ययापनमा उपयोगी हुने बताइन् ।

कार्यक्रममा प्रा डा निर्मलमान तुलाधरले प्रा टेडले नेपालमा विभिन्न धर्म, संस्कृति, नेवारी परम्परा, धार्मिक सम्प्रदायका बारेमा अध्ययन अनुसन्धान गरेर महत्वपूर्ण योगदान पु¥याएको भन्दै प्रशंसा गरे ।

आरपी फाउण्डेसनका प्रमुख रविन्द्र पुरीले सन् १९६८ मा पहिलो पटक फुलब्राइट कमिसनको आवासीय प्रमुख भएर काठमाडौँ आएका टेडले नेपाली सोध–अनुसन्धान तथा एशियाली सन्दर्भ र साहित्यिक–प्राज्ञिक कृतिको सङ्कलन गरेका पाँच हजारभन्दा बढी पुस्तक उनकी श्रीमतीको सहयोगमा पुस्तकालयमा राखिएको बताए । उनले एकेडेमीमा टेडकै नाममा ‘प्रोफेसर टेड रिकार्डी मेमोरियल रुम’ स्थापना गर्न पाउनु गर्वको विषय भएको उल्लेख गरे । लिच्छवीकालीन इतिहास, सभ्यता अन्वेषणका काम गरेर विज्ञता हासिल गरेका टेडले नेपालका विभिन्न सम्पदाको उत्खननमा योगदान दिएको पुरीले जानकारी दिए ।

कमलविनायक (नागांचा) मा रहेको एकेडेमीमा पुस्तकालय स्थापना गरी टेडकै सम्मानमा उनको अर्धकदको सालिकसमेत राखिएका छ ।

प्रकाशित मिति : १ आश्विन २०८१, मंगलबार  १० : १४ बजे

शिक्षकहरुका लागि एकिकृत पाठ्यक्रम सम्बन्धि तीन दिने कार्यशाला गोष्ठी सम्पन्न

बर्दिया । बाँके युनेस्को क्लव र शिक्षा, युवा तथा खेलकुद

‘काठमाडौँवासीलाई घटस्थापना अघि मेलम्चीको पानी’

काठमाडौं । काठमाडौँवासीले दशैँको घटस्थापना अघि नै मेलम्चीको पानी पाउने

फिफा वरियतामा नेपाल एक स्थान तल झर्यो

काठमाडौं । फिफाको पछिल्लो वरीयतामा नेपाल एक स्थान तल झरेको

एक राउटे युवकको मृत्यु, अब नेपालमा राउटेको संख्या १३४

सुर्खेत । राउटे समुदायका एक युवकको मृत्यु भएको छ ।

National Day Concert’ at Durbarmarg

Kathmandu: On the occasion of Constitution Day, a ‘National Day