छत्रगञ्ज रुपन्देही सम्पर्क समाजको बुटवलमा बृहत तीज मिलन

बुटवल । हिन्दु महिलाहरुको महान चाड हरितालिका तीजको अवसरमा छत्रगंज रूपन्देही सम्पर्क समाजद्वारा तीज मिलन तथा दरखाने कार्यक्रम आयोजना गरेको छ । छत्रगन्ज घर माइत तथा मामाघर भै रूपन्देही तथा आसपासमा बसोबास गरिरहेका ६ सय बढीको उपस्थितीमा तीज मिलन तथा दरखाने कार्यक्रम भएको हो ।

सम्पर्क समाजको पहलमा तीज मिलनकै बीच जेष्ठ नागरिक सदस्य, एकल महिला तथा अपांगता भएका व्यक्तिहरूको सदस्यता नवीकरण समेत गरिएको थियो । छत्रदेब ५ का वार्ड अध्यक्ष सहित सम्पूर्ण जनप्रतिनिधिहरूको उपस्थितिमा कार्यक्रम स्थलबाटै जेष्ठ नागरिक सदस्य, एकल महिला तथा अपांगता भएका व्यक्तिहरूको सदस्सता नविकरण गरिएको थियो ।

विगतमा जस्तो छत्रगञ्ज जान नपरेको र घरमै आएर सदस्यता नविकरण गरिदिएको भन्दै जेष्ठ नागरिकहरुले सम्पर्क समाजलाई धन्यवाद ब्यक्त गरेका थिए ।

सम्पर्क समाजका अध्यक्ष सिद्धार्थ पन्थीको अध्यक्षता तथा सचिव बिराट पौडेलको सञ्चालन एवम् बन्दना पाण्डे, अनिता आचार्य तथा गीता रानाको संयोजनमा भएको कार्यक्रममा सहभागी महिलाहरु मौलिक तीजको भाकामा निकैबेर नाचगान गरेका थिए ।