तिलोत्तमाको जंगलमा डढेलो निभाउन गएको दमकल आफै जलेर ध्वस्त

बुटवल । रुपन्देहीमा डढेलो निभाउन गएको एक दमकल आफै डढेलोको चपेटामा परेर ध्वस्त भएको छ ।

तिलोत्तमा नगरपालिकाको लु १ ग ३४९ नम्वरको दमकल बुधबार दिउँसो गणेशनगरको डढेलो निभाउन जाँदा आफै डढेर ध्वस्त भएको हो ।

तिलोत्तमा–८ गणेशनगरको जंगलमा डढेलो निभाउन गएको दमकलमा हावासँगै एक्कासी आगाको लप्काले छोपेपछि आगलागी भएको थियो । दमकलको इन्जिनसहितको भाग पूर्ण रुपमा जलेको छ । घटनामा मानवीय क्षति भने नभएको प्रहरी चौकी मंगलापुरले जनाएको छ ।