काठमाडौँ । मदिरा सेवन गरी सडकमा होहल्ला गरेको आरोपमा गायक राजेशपायल राई पक्राउ परेका छन् । गयराती काठमाडौँको थापागाउँबाट राई पक्राउ परेका हुन् । राई सहित अन्य ३ जनालाई पनि पक्राउ गरिएको जिल्ला प्रहरी परिसर काठमाडौंले जनाएको छ ।
उनीहरूलाई प्रहरी वृत्त परिसर बानेश्वरमा राखिएको छ । राती अबेर सम्म मदिरा पिएर होहल्ला गरेपछि स्थानीयले दिएको मौखिक उजुरीका आधारमा उनलाई पक्राउ गरिएको प्रहरीको भनाई छ । उनीसँगै पक्राउ परेकाहरुलाई आफन्तको जिम्मा लगाइसकिएको छ भने राईलाई पनि आफन्तको जिम्मा लगाउने तयारी भइरहेको एक प्रहरी अधिकृतले बताए ।
प्रहरी आएर पटक पटक होहल्ला नगर्न आग्रह गर्दा पनि अटेर गरेपछि राई सहित उनका साथीहरूलाई नियन्त्रणमा लिइएको प्रहरीले जनाएको छ । पक्राउ परेका अन्यको नाम भने प्रहरीले सार्वजनिक गरेको छैन ।
प्रतिक्रिया