काठमाडौं । नेपाली कांग्रेसले राष्ट्रिय सभाको अध्यक्षमा उम्मेदवारी दिने निर्णय गरेको छ ।
सभापति शेरबहादुर देउवाको निवास बूढानिलकण्ठमा आज बसेको पदाधिकारीको बैठकले अध्यक्षमा उम्मेदवारी दिने निर्णय गरेको हो ।
नेता अर्जुन नरसिंह केसीका अनुसार बैठकले राष्ट्रियसभाको अध्यक्षमा सहयोगका लागि अन्य दलसँग पनि छलफल गर्ने निर्णय गरेको छ । उम्मेदवारी दिने निर्णय गरेपनि उम्मेदवारका विषयमा भने आज निर्णय भएको छैन।
माओवादीसँगै गठबन्धन कायम रहेको अवस्थामा कांग्रेसले नेता कृष्णप्रसाद सिटौलालाई अध्यक्ष बनाउने योजना बनाएको थियो । तर, नयाँ गठबन्धन बनेपछि फेरिएको परिस्थितिमा सो गठबन्धनसँग राष्ट्रियसभामा स्पष्ट बहुमत रहेको छ । नयाँ गठबन्धनका दलहरुबीच अध्यक्षमा माओवादी र उपाध्यक्षमा एमालेका उम्मेदवार उठाउने सहमति भैसकेको छ ।
प्रतिक्रिया