काठमाडौं । नेकपा एकीकृत समाजवादीले पुष्पकमल दाहाल प्रचण्डको सरकारमा सहभागी हुने निर्णय गरेको छ ।
बुधबार अपरान्ह सम्पन्न माधवकुमार नेपाल नेतृत्वको नेकपा एकीकृतको सचिवालय बैठकले प्रचण्ड सरकारमा सहभागी हुने निर्णय लिएको प्रवक्ता जगन्नाथ खतिवडाले बताए ।
हिजो मात्रै प्रधानमन्त्री पुष्पकमल दाहाल प्रचण्डले नयाँ सत्ता साझेदार नेकपा एमालेका अध्यक्ष केपी शर्मा ओलीलाइ लिएर नेपाल निवास पुगेका थिए । एमाले र माओवादीका शिर्ष नेताले नयाँ गठबन्धनमा सहभागी हुनका लागि अध्यक्ष नेपाललाइ आग्रह गरेका थिए तर अध्यक्ष नेपालले पार्टीमा छलफल गरेर निर्णयमा पुग्ने भन्दै कुनै निर्णय दिएका थिएनन ।
तर, आज प्रधानमन्त्री प्रचण्डलाइ भेटन वालुवाटार पुगेका सम्मानित नेता झलनाथ खनाले भने प्रचण्ड सरकारमा जान पार्टी सकारात्मक रहेको जनाउँदै पार्टीमा निर्णय गराउने बचन दिएका थिए । सोही कारण पनि एकीकृत समाजवादीले प्रचण्ड सरकारमा जाने निर्णय लिएको हो ।
सरकारमा पार्टीको भूमिकाबारे छलफल गर्न अध्यक्ष माधवकुमार नेपाल नेताहरु प्रमेश हमाल र घनश्याम भुसाललाई लिएर अहिले बालुवाटार पुगेका छन् । नेपालले प्रधानमन्त्री प्रचण्ड र एमाले अध्यक्ष ओलीसँग छलफल गर्नेछन् ।
प्रतिक्रिया