नरैनापुर । लुम्बिनी प्रदेश सरकारका स्वास्थ्य मन्त्री राजु खनालले यसै आर्थिक वर्ष भित्र नरैनापुरमा अपरेशन सहितको बृहत प्रसुति सेवा विस्तार सहित सेवा प्रदानको काम गर्न निर्देशन गरेका छन् ।
प्रदेश स्वास्थ्य मन्त्रालय र प्रदेश स्वास्थ्य निर्देशनालयको टोली सहित नरैनापुर पुगेका मन्त्री खनालले बांके जिल्लाको दुर्गम गाउँपालिका भएको र नेपालगंजबाट ४० किलो मिटरको दुरीमा रहेका कारण जटिल प्रकारका प्रसुतिहरुलाई आधारभुत अस्पताल मै अपरेशन द्वारा प्रसुति सेवा विस्तारका लागी लुम्विनि प्रदेश सरकारबाट यस आवमा ५० लाख बजेट विनियोजन गरेको बताए ।
उनले नरैनापुरको स्थानीय तहको सहयोग तथा सहकार्यमा सेवा प्रदानका लागी औजार उपकरण तथा दक्ष जनशक्तीको ब्यवस्था तत्काल ब्यवस्थापन गरि यसैवर्षबाट सेवा प्रदानको ब्यवस्था गर्न मन्त्री खनालले निर्देशन दिए । सेवा प्रदान गर्नका लागी प्रदेश सरकारले आबश्यक सहयोग गर्ने प्रतिवद्धता समेत उनले ब्यक्त गरे ।
नरैनापुर गाउँपालिकाका अध्यक्ष ईत्सियाक अहमद शाहले दुर्गम स्थानलाई प्राथमिकतामा राखेर नरैनापुर पुगेकोमा स्वास्थ्य मन्त्री सहितको टोलीलाई धन्यबाद दिए ।
कार्यक्रममा प्रदेशसभा सदस्य कृष्णा के.सी. नमुनाले नरैनापुर क्षेत्रको बिकासमा आफु दिन रात लागि परेको र नरैनापुरको आधारभुत अस्पतालमा अपरेशन सहितको बृहत प्रसुति सेवा बिस्तारका लागी आफुले प्रदेश सरकारको तर्फबाट सबै सहयोग गर्ने प्रतिबद्धता ब्यक्त गरिन् ।
कार्यक्रममा प्रदेश सभासदस्य सन्जु चौधरी, माया पुन, शुशिला नेपाली, मिना सिद्धिकी, स्वास्थ्य मन्त्रालयका सचीव डा. जनार्दन पन्थी , स्वास्थ्य निर्देशनालय निर्देशक डा. बिनोद कुमार गिरि, भेरी अस्पताल बिकास समिती अध्यक्ष बिरेन्द्र शाहलगायत उपस्थिति रहेको थियो ।
प्रतिक्रिया