कोहलपुर । बाँकेको कोहलपुरमा मध्यराती धारिलो हतियार प्रहारबाट एकजना गम्भिर घाइते भएका छन् । कोहलपुर स्थित चप्परगौडीका २८ वर्षिय कृष्ण भनिने मिन बहादुर विकमाथि बिहीबार बिहान साढे तीन धारिलो हतियार प्रहार गरिएको हो ।
धारिलो हतियार प्रहारबाट गम्भिर घाइते भएका विकलाई नेपालगन्ज मेडिकल कलेज लगिएकोमा उपचार सम्भव नभएपछि लखनउ रिफर गरिएको बाँके प्रहरी प्रवक्ता डीएसपी नारायण डाँगीले जानकारी दिए ।
मिन बहादुरलाई बिहान साढे तीन बजेको समयमा उनको घर नजिकै पछाडिबाट अज्ञात व्यक्तिले टाउको सहीत शरीरका विभिन्न भागमा धारिलो हतियार प्रहार गरेको प्रहरीले जनाएको छ । स्थानीयको सहयोगमा प्रहरीले घाइते विकलाई कोहलपुर मेडिकल कलेजमा उपचारका लागि लगिएको थियो ।
प्रहरीले घटनाको अनुसन्धान गर्दै धारिलो हतियार प्रहार गर्ने व्यक्तिको खोजीकार्य तिब्र पारेको जनाएको छ ।
प्रतिक्रिया