भूकम्पका थप ११ जना घाइते नेपालगन्ज ल्याइयो

नेपालगन्ज । भूकम्पबाट घाइते भएका थप ११ जनालाई नेपालगन्ज पुर्याईएको छ । रुकुमको सल्ले विमानस्थल हुँदै भूकम्पका थप ११ जना घाइतेलाई नेपालगन्ज ल्याइएको हो । नवजात शिशु सहित ११ जना घाइतेलाई नेपाल एयरलाइन्सको जहाजमार्फत नेपालगन्ज ल्याइएको हो ।

नेपाल एयसको जहाज घाइते ११ जना र उनीहरूका ७ जना कुरुवा बोकेर नेपालगन्ज अवतरण गरे लगत्तै घाइतेलाई नेपाल प्रहरी, नेपाली सेना तथा विभिन्न संस्थाको एम्बुलेन्समार्फत नेपालगन्जस्थित भेरी अस्पताल नेपालगन्ज पुर्याइएको छ।

सरकारले नेपाल एयरको सो जहाज घाइतेको उद्धार गर्न काठमाडौबाट रुकुम सल्ले पठाएको थियो । जाजरकोट र रुकुम पश्चिमका अन्य थप घाइतेहरुलाई पनि नेपालगन्ज ल्याइने तयारी गरिएको त्यहाँ स्थित प्रहरी अधिकारीहरुले बताएका छन् ।