नेपालगन्ज । बाँकेको जयेन्दु बाल सुधार गृहमा गयराती भएको झडप र तोडफोडमा एकजनाको मृत्यु भएको छ । डुडुवा गाउँपालिका–६ आसमानपुरस्थित सुधार गृहमा सोही सुधार गृहमा राखिएका बालबन्दीहरुबीच भएको झडप र तोडफोडमा परि एकजना बालबन्दीको मृत्यु भएको हो ।
मृत्यु हुनेमा १८ बर्षिय सुलभ केसी रहेको बाँकेका प्रहरी प्रमुख प्रहरी उपरीक्षक सन्तोषसिंह राठौरले बताए ।मृत्यु हुनेमा १८ बर्षिय सुलभ केसी रहेको बाँकेका प्रहरी प्रमुख प्रहरी उपरीक्षक सन्तोषसिंह राठौरले बताए । उनका अनुसार ११ जना घाइते भएका छन् ।
उनीहरुले सुधार गृहका झ्यालका सिसा फुटाउँदै सुरक्षामा खटिएका प्रहरीमाथि पनि ढुंगा र इँटा प्रहार गरेका थिए । सुधारगृहमा रहेको दुई समहुबीच भएको झडपमा रातभरी तोडफोड र प्रहरी माथि ढुंगा प्रहार भएको प्रहरीले जनाएको छ ।
स्थानीयवासीका अनुसार सुधार गृहभित्र रहेकाहरुले अहिले पनि नाराबाजी गरिरहेका छन् । अवस्था सामान्य बनाउने प्रयास भइरहेको प्रहरी प्रमुख एसपी राठौरले बताए ।
सुधार गृहमा बिभिन्न मुद्दामा दोषी ठहरिएकार पुर्पक्षका लागि सुधारगृह पठाइएका करिब ३ सय जना रहेका छन् । गत माघ अन्तिम साता सोही सुधार गृहमा आगजनीसमेत भएको थियो ।
प्रतिक्रिया