सुर्खेत । कर्णाली प्रदेशलाई केन्द्रित गरि नेपाल सरकार , फिनल्यान्ड सरकार र युरोपियन युनियन तथा स्थानीय सरकारको सयुक्त साझेदारीमा संचालित सबैको लागि दिगोखानेपानी सरसफाइ र स्वच्छता आयोजनाको वार्षिक समिक्षा सम्पन्न भएको छ । गत आब ०७९/८० देखि कार्यन्वयनमा रहेका माथिल्लो कर्णाली भेगमा अवस्थित आठवटा स्थानीय तहमा संचालित आयोजनाको भौतिक प्रगति तथा आर्थिक प्रगतिको समिक्षा गरिएको हो ।
समिक्षा कार्यक्रममा सिकाइ आदानप्रदान साथै क्रियाकलापहरुको संचालन प्रक्रियामा परेका समस्याहरूको लेखाजोखा र आब ०८०/८१ को बार्षिक कार्यक्रम कार्यन्वयन गर्न भाबी रणनीति विषयमा छलफल भएको थियो ।
आब ८०/८१ देखि कार्यन्वयनमा रहेका थप १३ पालिकाहरुको बार्षिक कार्यक्रममाथि पनि कार्यक्रममा छलफल भएको थियो । सहभागीहरुले मुख्य मुख्य क्रियाकलाप सम्पन्न गर्न लिइएको भाबी रणनीति र सम्भाबित चुनौतीमाथि व्यापक छलफल गरि समुहगत प्रस्तुति गरेका थिए ।
प्रस्तुति गरिएको कार्ययोजना माथि आयोजनाको प्राबिधिक सहयोग इकाईका बिज्ञहरु तथा चिफ टेक्निकल सल्लाहकार मारिओ मिलानेसीबाट पृष्ठपोषण र सुझावहरु दिएका थिए । कार्यक्रममा सल्लाहकार मिलानेसीले आयोजनाको उदेश्यमुलक नतिजा प्रतिफल प्राप्त गर्न स्थानीय सरकारहरुलाई प्राबिधिक सहयोग गर्न आयोजनाको तर्फबाट निरन्तर सहयोगको प्रतिबद्धता ब्यक्त गरे ।
कार्यशाला गोष्ठीमा स्थानीय तहको वास इकाईमा कार्यरत वास संयोजकहरु र आयोजनामा कार्यरत करिब ४० जनाको उपस्थित रहेको थियो ।
प्रतिक्रिया