नेपालगन्ज । ३० किलो जंगली जनावर चित्तलको मासुसहित बाँके प्रहरीले एक जनालाई पक्राउ गरेको छ। राप्तीसोनारीको फत्तेपुरबाट नेपालगन्ज तर्फ लैजाँदै गरेको अवस्थामा ३० किलो चित्तलको मासुसहित प्रहरीले एकजनालाई पक्राउ गरेको हो ।
इलाका प्रहरी कार्यालय बनकटटीबाट चेकजाँचमा खटिएको टोलीले नेपालगन्ज तफए आउँदै गरेको भे १ ह ३९०८ नम्बरको भाडाको अटोमा राखेर ल्याउदै गरिएको ३० किलो चित्तलको मासुसहित अटो चालकलाई पक्राउ गरिएको बाँके प्रहरी प्रवक्ता डीएसपी नारायण डाँगीले बताए।
अटोको डिक्कीमा लुकाई छिपाई नेपालगन्ज ल्याउन लागिएको अवस्थामा राप्तीसोनारी( ६ का अटो चालक हरि परियारलाई मासुसहित पक्राउ गरिएको प्रवक्ता डाँगीले जानकारी दिए ।
प्रहरीका अनुसार पक्राउ परेका चालक परियारसहित बरामद गरिएको चित्तलको मासुलाई आबश्यक कारबाहीका लागि जिल्ला बन कार्यालय बाँकेमा पठाइएको छ ।
बन कार्यालयले पक्राउ परेका परियारमाथि बन्यजन्तु ऐन अनुसार मुद्दा चलाइने तयारी गरेको छ । पक्राउ परेका परियारले बरामद गरिएको मासु कसले पठाएको हो भन्ने बारेमा अनुसन्धान भइरहेको जनाइएको छ ।
प्रतिक्रिया