फेसबुकमा ‘अलबिदा’ लेखेर मृत भेटिए मुसिकोटका वडा अध्यक्ष

गुल्मी । गुल्मीको मुसिकोट नगरपालिका वडा नं १ का वडाध्यक्ष झण्डिएको अवस्थामा मृत फेला परेका छन् । वडा अध्यक्ष मोहन घिमीरे घर नजिकैको रुखमा भुण्डिएको अवस्थामा मृत भेटिएका हुन् ।

आफ्नो फेसबुकमा अलबिदा लेखिएको स्टाटस पोष्ट गरेका घिमीरे आज बहिान ५ बजेको आसपासमा घर नजिकैको रुखमा झुन्डिएको अवस्थामा मृत भेटिएको जिल्ला प्रहरी कार्यालय गुल्मीले जनाएको छ।

शुक्रवार अपरान्ह घरबाट निस्केका घिमीरे रातभर घर नफर्केको र बिहानै मृत भेटिएको प्रहरीको भनाई छ । प्रहरीका अनुसार उनले फेसबुकमा ‘परिस्थितिको चपेटामा परे पछि बाच्नुको अर्थ हुदो रहेनछ। प्रीय अनितास साथ निभाउन सकेन। मलाई माफ गरे। घर परिवार, साथिभाई सुभ चिन्तक सबै संग माफी चाहान्छु। अल बिदा।’ लेखेका थिए ।

उनी शुक्रबार राती अबेर सम्म घिमीरे थामडाडा स्थित उनका आफ्नै भिनाजु चुरामाणी पैयानीको घरमा देखिएको स्थानीयबासीले बताएका छन् ।

घिमीरे नेपाली कांग्रेस मुसिकोट नगरपालिका नगर कमिटीका अध्यक्ष समेत हुन।