काठमाडौं । नागरिकता विधेयक प्रमाणिकरण विरुद्ध सर्वोच्च अदालतमा रिट पेश भएको छ ।
वरिष्ठ अधिवक्ता सुरेन्द्र भण्डारीलगायतले नागरिकतासम्बन्धी विधेयक प्रमाणीकरणको विरुद्ध बिहीबार सर्वोच्चमा रिट पेस गरेका हुन् ।
हिजो बुधबार राष्ट्रपति रामचन्द्र पौडेलले सरकारको सिफारिसमा ९ महिनादेखि राष्ट्रपति कार्यालयमै अलपत्र अवस्थामा रहेको नागरिकता विधेयक प्रमाणीकरण गरेका थिए । अघिल्लो राष्ट्रपति विद्यादेवी भण्डारीले संसदले दुई दुई पटक पारित गरेर प्रमाणिकरणका लागि पठाएको विधेयकलाई होल्ड गरेर राख्दिएकी थिइन ।
रिट निवेदन दर्ताको प्रक्रियामा रहेको सर्वोच्च प्रशासनले जनाएको छ । रिटमा राष्ट्रपतिले संसदीय प्रक्रिया र मान्यता विपरित निस्कृय बनेको नागरिकता विधेयकलाई प्रमाणिकरण गरेको भन्दै यसलाई तत्काल ऐनको अंग नबनाउन माग गरिएको छ ।
प्रतिक्रिया