नेपाल एसीसी प्रिमियर कपको फाइनलमा प्रवेश

काठमाडौं । निरन्तर पानी परेपछि सेमिफाइनल खेल रद्द हुँदा नेपाल एसिसी प्रिमियर कप क्रिकेटको फाइनलमा प्रवेश गरेको छ ।

त्रिवि क्रिकेट मैदानमा नेपाल र कुवेतबीच आज भैरहेको सेमिफाइनल खेल पानी परेपछि बीचैमा रद्द हुन पुगेको हो । खेलमा नेपालले टस हारेर पहिले ब्याटिङ गरेको थियो ।

कुवेतका लागि नेपालले २८२ रनको लक्ष्य दिएको थियो । तर कुवेतले जवाफी ब्याटिङ गर्दैगर्दा लगातार पानी परेपछि खेल रद्द हुँदा नेपाल फाइनलमा प्रवेश गरेको हो । विशाल लक्ष्य पछ्याईएको कुवेतले ८ दशमलब ३ ओभरमा ६ विकेट गुमाएर ३७ रन मात्रै बनाएको थियो ।

यसअघि पहिलो इनिङमा पनि पानी पर्दा खेललाई ४२ ओभरमा छोट्याइएको थियो ।