काठमाडौं । इन्डियन प्रिमियर लिग (आईपीएल)मा कोलकाता नाइट राइडर्सले पहिलो जित हासिल गरेको छ । बिहीबार राति भएको खेलमा कोलकताले रोयल च्यालेन्ज बैंगलोरलाई ८१ रनले हरायो ।
इडन गार्डन मैदानमा पहिले ब्याटिङ गरेको कोलकाताले २० ओभरमा ७ विकेट गुमाउँदै २०४ रन बनायो । २०५ रनको विजयी लक्ष्य पछ्याएर ब्याटिङ थालेको बैंगलोर १७.४ ओभरमा १२३ रनमा अलआउट भयो ।
बैंगलोरलाई सस्तैमा समेट्ने क्रममा वरुण चक्रवर्तीले ४ विकेट लिए। यस्तै, सुयास शर्माले ३, सुनिल नारिनेले २ र सार्दुल ठाकुरले १ विकेट लिए । बैंगलोरका कप्तान फाफ डुप्लेसीले बनाएको २३ रनको योगफल नै सर्वाधिक रह्यो । विराट कोहली २१ रनमा आउट भए ।
कोलकाताका शार्दुल ठाकुरले ६८ रन बनाए । रहमानुल्लाह गुरबाजले ५७ रन बनाए भने रिंकु सिंहले ४६ रन बनाए । बैंगलोरका कर्न शर्मा र डेभिड विल्लेले समान २-२ विकेट लिए । यस्तै, मोहम्मद सिराज, मिचेल ब्रेसवेल र हर्सल पटेलले समान १–१ विकेट लिए ।
२ खेलमा पहिलो जित निकालेको कोलकाता २ अंकका साथ तालिकाको तेस्रो स्थानमा छ । बैंगलोर भने २ अंकका साथ ७औं स्थानमा छ ।
प्रतिक्रिया