काठमाडौं । सरकारले मिटरब्याजलाई अपराध घोषणा गर्ने निर्णय गरेको छ ।
मंगलबार बसेको मन्त्रिपरिषद् बैठकले मिटरब्याजलाई अपराध घोषणा गरी मुलुकी अपराध संहितामा संशोधन गर्ने निर्णय गरेको हो ।
कानुन संशोधन गरी मिटरब्याजलाई अपराध घोषणा गरेर कानुनी दायरामा ल्याउनका लागि मुलुकी अपराध संहितामा संशोधन प्रक्रिया अघि बढाउने निर्णय भएको सञ्चारमन्त्री रेखा शर्माले जानकारी दिइन् ।
कानुन संशोधन भएसँगै मिटरब्याजीमाथि अपराध अनुसन्धान गरी सरकारवादी मुद्दा चलाउने बाटो खुल्नेछ ।
काठमाडौंमा अहिले महोत्तरीका मिटरब्याजी पीडितहरुको प्रदर्शन जारी रहेको छ । महोत्तरीबाट १९ दिन हिँडेर काठमाडौं आइपुगेका उनीहरु आज प्रधानमन्त्री निवास घेराउ गर्न टंगाल पुगेका थिए । प्रहरीले निषेधित क्षेत्रमा रोकेपछि उनीहरु माइतीघरमण्डला पुगेर प्रदर्शन गरेका थिए ।
प्रतिक्रिया