काठमाडौं । राष्ट्रपति रामचन्द्र पौडेलले पद तथा गोपनीयताको सपथ लिएका छन् ।
राष्ट्रपति कार्यालय शितल निवासमा आयोजित विशेष समारोहमा पौडेलले कार्यबहाक प्रधानन्यायाधीस हरिकृष्ण कार्कीबाट शपथ लिएका हुन् ।
नेपालको संविधानमा राष्ट्रपतिले आफ्नो कार्यभार सम्हाल्नुअघि सङ्घीय कानुनबमोजिम प्रधानन्यायाधीशसमक्ष पद तथा गोपनीयताको शपथ लिनुपर्ने व्यवस्था रहेका छ । कार्यक्रममा निवर्तमान राष्ट्रपति विद्यादेवी भण्डारी, उपराष्ट्रपति नन्दकिशोर पुन, प्रधानमन्त्री पुष्पकमल दाहाल प्रचण्ड लगायतका विशिष्ठ अधिकारीहरुको उपस्थिति रहेको थियो ।
राष्ट्रपतिमा पौडेलको सपथसँगै निवर्तमान राष्ट्रपति विद्यादेवी भण्डारी आजै आफ्नो निजी निवासमा सर्ने भएकी छिन् । कार्यक्रममा प्रधानमन्त्री प्रचण्डले भण्डारीलाई विदाईस्वरुप उपहार प्रदान गरेका थिए ।
यही फागुन २५ गते भएको निर्वाचनमा पौडेल राष्ट्रपतिमा निर्वाचित भएका थिए । उनले आफ्ना प्रतिस्पर्धी नेकपा (एमाले)का उपाध्यक्ष एवं पूर्वसभामुख सुवासचन्द्र नेम्वाङलाई दोब्बरभन्दा बढी मतले पराजित गरेका थिए ।
प्रतिक्रिया