काठमाडौं । नेकपा माओवादी केन्द्रसहितका माओवादी घटकहरुले द्वन्द्वकालीन घटनाको विषयमा पत्रकार सम्मेलन र संयुक्त अन्तर्क्रिया गर्ने भएका छन् ।
प्रधानमन्त्री निवास बालुवाटारमा आज बिहान बसेको माओवादी धारका दलहरुको बैठकले २८ गते पत्रकार सम्मेलन गर्ने र ३० गते संयुक्त अन्तर्क्रिया गर्ने निर्णय गरेको हो ।
बैठकले शान्ति प्रक्रिया विरुद्ध विभिन्न षड्यन्त्र भइरहेको भन्दै त्यसविरुद्ध दवावमुलक कार्यक्रम आयोजना गर्ने निर्णय समेत गरेको छ ।
बैठकमा माओवादी केन्द्रसहित, नेकपा, नेसपा, नेकपा (माओवादी क्रान्तिकारी), नेकपा, नेकपा बहुमत, वैज्ञानिक समाजवादी कम्युनिस्ट पार्टी र नेकपा (माओवादी समाजवादी)का नेताहरू सहभागी थिए ।
द्वन्द्वकालको घटनाका विषयलाई लिएर प्रधानमन्त्री पुष्पकमल दाहाल प्रचण्ड विरुद्ध सर्वोच्च अदालतमा रिट परेपछि सबै माओवादी घटकहरु एक ठाउँमा भेला भएका हुन् ।
प्रतिक्रिया