काठमाडौं । सरकारले आज सत्य निरूपण तथा मेलमिलापसम्बन्धि संशोधित विधेयक आज प्रतिनिधि सभामा दर्ता गर्नेभएको छ ।
मन्त्रिपरिषद्को आज बिहान बसेको बैठकले आजैको प्रतिनिधिसभा बैठकमा यो विधेयक दर्ता गर्ने निर्णय गरेको हो ।
यसअघि संसदको अघिल्लो कार्यकालमा यो विधेयकमाथि छलफल भए पनि पारित हुन सकेको थिएन । विधेयकमाथि दफावार छलफल भएपनि एमाले, मानवअधिकार आयोग र द्वन्द्वपीडितहरुको विरोधपछि पुनः संसदीय समितिमा पठाइएको थियो ।
अहिले नयाँ प्रतिनिधिसभा गठन भएपछि सरकारले पुनः विधेयकलाई संसदमा पेश गर्न लागेको हो ।
मन्त्रिपरिषद् बैठकले फलफूल, तरकारी र खाद्यजन्य वस्तुको विषादी परीक्षणसम्बन्धी प्रस्ताव मन्त्रिपरिषद्को विषयगत समितिमा छलफलका लागि पठाई यथाशीघ्र पेश गर्ने निर्णय पनि गरेको छ ।
प्रतिक्रिया