गगन थापाले भने – सांसद भएको भोलिपल्टैदेखि संसदीयदलको निर्वाचनको तयारी गर्छु

काठमाडौं । नेपाली कांग्रेसका महामन्त्री गगन थापाले आफु सांसदमा निर्वाचित भएको भोलिपल्टदेखि नै पार्टी संसदीय दलको निर्वाचनको तयारी गर्ने बताएका छन् ।

काठमाडौं क्षेत्र नं. ४ का उम्मेदवार थापाले मैतीदेवी मतदान केन्द्रबाट मतदान गरेपछि संचारकर्मीसँग संक्षिप्त कुरा गर्दै सांसद निर्वाचित भएपछि पार्टीको संसदीय दलको निर्वाचन प्रक्रिया तयारी थाल्ने बताएका हुन् ।

थापाले संसदीय दलको नेताका लागि चुनावका लागि आफु पनि लड्ने योजना रहेको बताए । यसअघि नै थापाले नयाँ प्रधानमन्त्रीमा आफ्नो दाबी रहेको बताउँदै आएका थिए । ‘मैले मेरो दाबी प्रस्तुत गरिसकेको छु। म सांसद भएर गएको भोलिपल्टदेखि संसदीय दलको निर्वाचनको तयारी गर्नेछु,’ संसदीय दलको निर्वाच्न जित्ने हो र ड्राइभिङ सिटमा बसेर देशलाई हाँक्ने हो भन्ने मेरो संकल्प हो।’

थापाले काठमाडौं ४ को मत परिणामले मुलुक कसले हाँक्ने भनेर निर्णय लिने दाबी समेत गरे ।