भोलिदेखि बुटवल १२ ढवाहामा रमाइलो मेला सञ्चालन हुँदै

बुटवल । बुटवल उपमहानगरपालिका वडा नम्बर १२ ढबाहमा भोलीदेखि रमाइलो मेला सञ्चालन हुने भएको छ ।

जय माता दि एम्युजमेन्ट एण्ड इभेन्ट म्यानेजमेन्ट प्रालिले बुटवल-१२ ढबाहामा रहेको पीस पार्कमा रमाइलो मेला गर्न लागेको हो ।

पीस पार्क क्षेत्रको प्रचारप्रसार गर्दै संस्कृति संरक्षणको लागि मेला आयोजना गरिएको बुधबार आयोजित पत्रकार सम्मेलनमा प्रालिका प्रबन्ध निर्देशक राजवीर जैसवालले बताए ।

२९ गतेसम्म चल्ने मेलामा ७० भन्दा बढी राष्ट्रिय तथा स्थानीय कलाकारहरुकोको प्रस्तुति रहने जैसवालले जानकारी दिए । मेला सम्पन्न गर्न ४० लाख खर्च लाग्ने आयोजकको अनुमान छ । मेलामा ८० भन्दा बढी स्टलहरू रहनेछन् ।

डेढ लाख दर्शकले मेला अवलोकन गर्ने आयोजकको दावी छ । मेलाको सहयोगीमा बुटवल उपमहानगरपालिका, मनकामना युवा क्लव, बुटवल वडा न १२ कार्यालय, ग्लोबल पीस पार्क रहेका छन् ।

सो अवसरमा मनकामना युवा क्लवका सल्लाहकार मधु पुलामीले ढबाहामा पहिलोपटक आयोजित मेलाले त्यस क्षेत्रको विकासमा टेवा पुग्ने बताए ।

कार्यक्रममा क्लबका अध्यक्ष दीपक पुन, सल्लाहकार ढुण्डीराज खनाल, किरण खनाल लगायतले बोल्दै पहिलोपटक हुन लागेको मेला सफल बनाउन सबैको सहयोग रहने बताए ।