बुटवल । नेपाल औषधी व्यवसायी संघ, रुपन्देही जिल्लाले आफ्नो स्थापना दिवस वृहत रक्तदान गरि मनाएको छ ।
संघको ४९ औं स्थापना दिवसको अवसरमा शुक्रबार रक्तसंचार केन्द्र बुटवलमा रक्तदान कार्यक्रम गरेको हो ।
कार्यक्रमको संघका केन्द्रीय निवर्तमान अध्यक्ष बाबुराम भट्टराईले उद्घाटन गर्दै संस्थागत विकाससंगै सामाजिक हकहितमा आफुहरु निरन्तर लागेको बताए । रुपन्देहीमा नै पुरानो संस्थाको सामाजिक क्षेत्रमा पहिचान बनाउन सफल भएको उनले बताए ।
कार्यक्रममा विशेष सल्लाहकार डा रोहित राज क्षेत्रीले स्थापना दिवसलाई सामाजिक उत्तरदायित्व वहन हुने गरि कार्यक्रम गर्दै आएको बताए । संस्थाको संघिय संरचना ब्यवहारमा लागू हुन नसक्दा आवश्यक रुपमा काम गर्न नसकेको बताए ।
संघका कार्यबाहक अध्यक्ष खड्ग बहादुर बस्नेतले संस्थागत हकहितका साथै विविध सामाजिक कार्य गर्दै आएको बताए । कार्यक्रम संयोजक गणेश प्रसाद सेढाईले कार्यक्रममा ५४ युनिट रगत संकलन भएको बताए ।
कार्यक्रममा संघका महासचिव पुरुषोत्तम भट्टराई, प्रदेश उपाध्यक्ष तथा संघका जिल्ला सल्लाहकार अमृत सुवेदी, सल्लाहकार प्रभा भण्डारी, रक्तसंचार केन्द्रका सदस्यसचिव राधा शर्माले रक्तदानको अभियानमा सबै लाग्नुपर्ने बताए ।
प्रतिक्रिया