बुटवल । बुटवलको नहरपुरबाट ब्राउन-सुगर सहित ३ जनालाई प्रहरीले पक्राउ गरेको छ । इलाका प्रहरी कार्यालय बुटवलको टोलिले ५ ग्राम ३० मिलिग्राम ब्राउन-सुगर सहित तिनीहरुलाई पक्राउ गरेको हो ।
पक्राउ पर्नेमा वुटवल उप-महानगरपालिका वडा नं. ११ का स्थानीय राजेश विश्वकर्मा, लक्ष्मण पुन र अविनाश थापा रहेका छन् । गोप्य सूचनाका आधारमा नहरपुर पुगेको प्रहरी टोलिले ३ जनाबाट ५ ग्राम ३० मिलीग्राम ब्राउन सुगर बरामद भएको रुपन्देही प्रहरी प्रवक्ता नवरत्न पौडेलले जानकारी दिए ।
पक्राउ परेका तीनैजनामाथि लागु औषध कारोबार ऐन बमोजिम आवश्यक अनुसन्धान भईरहेको प्रहरीले जनाएको छ ।
प्रतिक्रिया