२८ पुस २०८१, आइतबार | January 12, 2025

वर्ष बदलिँदा हाम्रो हर्ष पनि बढ्नुपर्छ तर त्यस्तो हुन सकेको छैन : पूर्वराजा ज्ञानेन्द्र



काठमाडौं । पूर्वराजा ज्ञानेन्द्र शाहले वर्ष बदलिँदा हाम्रो हर्ष पनि बढ्नुपर्ने र जनजीवनमा स्तर वृद्धि पनि हुनुपर्ने बताएका छन् ।

नववर्ष २०७९ को पूर्वसन्ध्यामा बुधबार एक शुभकामना सन्देशमार्फत उनले भनेका छन्, ‘वर्ष बदलिँदा हाम्रो हर्ष पनि बढ्नु पर्दछ, भित्ताको पात्रो फेरिएपछि जनजीवनमा स्तर वृद्धि पनि हुनुपर्दछ। तर चर्का नारा, गहकिला आशा, आश्वासन तथा अर्थहीन परिवर्तन वा रुपान्तरणको प्रकृयाले नेपाली जनमानसलाई शान्त र सन्तुष्ट पार्न सकेको छैन। चिन्ताको विषय हाम्रो यो हो ।’

२०७८ साललाई अतीत र इतिहासको पानामा पल्टाउँदै नयाँ वर्ष २०७९ मा आइपुग्दा उनले देशवासी र बाध्यतावश विदेशी भूमिमा रहेका नेपालीलाई सम्झँदै सुख, शान्ति तथा समुन्नतिको कामना गरेका छन् ।

मातृभूमि नेपाल ‘त्रिपक्षीय महाशक्तिहरुबीचको शिखर आभूषण’ का रुपमा र पनि आफ्नै भूबनोट, सामाजिक संरचना, गौरवपूर्ण इतिहास, मौलिक मूल्यमान्यता तथा परम्पराले गौरवान्वित रहिआएको उनको भनाइ छ ।

‘सबै राष्ट्र, सबै समुदाय मिलेर रहुन्, कतै अशान्ति नहोस् कोही कसैमा विभाजन, विभेद नरहोस् भन्ने हाम्रो मान्यता हो । छिमेकी मित्र राष्ट्रहरुप्रति हामीले अवलम्बन गर्ने नीति तथा व्यवहारले हाम्रो उन्नतिप्रगतिलाई मात्र प्रभावित गर्दैन मुलुकको स्थायित्व, शान्ति र राष्ट्रिय अस्मिता समेतमा कुनै न कुनै स्तरको प्रभाव पर्न जाने अवस्थालाई संझेर हामी सदैव चनाखो हुनुपर्दछ,’ उनले शुभकामना सन्देशमा लेखेका छन् ।

नेपाल शान्तिभूमि बन्न सकोस् भन्ने आकांक्षा आफूहरूले राखेको उनको भनाइ छ । तर आज नेपाल कोहीसँग कतै टाँसिएर कसैप्रतिको दूरभाव राख्ने मार्गतर्फ लाग्यो कि भन्ने जुन धारणा उत्पन्न भएको छ त्यो आफैंमा आत्महीनताको विषय बन्न गएको उनले बताएका छन् ।

उनले देशको अर्थतन्त्रमा समस्या आएको भन्दै त्यसप्रति चिन्ता पनि व्यक्त गरेका छन् ।

‘हाम्रो अर्थविद्हरु तथा उद्यमीहरुले गलत मौद्रिक र कमजोर वित्तीय नीतिका कारण अर्थ व्यवस्था जटिल बन्दै गएको चिन्ता गरिरहेका छन्,’ उनले भनेका छन्, ‘नेपालीको घर घरमा बढ्दो महंगी र थपिदों आर्थिक बोझले जीवन गुजरा गर्न अत्यन्त कठिन भएको दुखेसो छ ।’

प्रकाशित मिति : १ बैशाख २०७९, बिहिबार  ८ : ०० बजे

काठमाडौं अदालतमा रवि लामिछानेको सकियो बयान

काठमाडौं । राष्ट्रिय स्वतन्त्र पार्टीका सभापति रवि लामिछानेको पक्षको काठमाडौं

इन्जिनियर श्रेष्ठविरुद्ध विशेष अदालतमा आरोप-पत्र दायर

काठमाडौं । अख्तियार दुरुपयोग अनुसन्धान आयोगले जलस्रोत तथा सिँचाइ विभाग

दिल्लीमा हल्का वर्षासँगै व्यापक चिसो बढ्ने

नयाँदिल्ली । भारतको नयाँ दिल्लीमा आइतबार बाक्लो हुस्सु लागेको छ

रुपन्देही परिवहन प्रालिमा नयाँ नेतृत्व चयन

बुटवल । रुपन्देही परिवहन प्रा.लि, बुटवलको नवनिर्वाचित सञ्चालक समितिले एक

राष्ट्रपतिसमक्ष महान्यायाधिवक्ताको वार्षिक प्रतिवेदन पेस

काठमाडौं । राष्ट्रपति रामचन्द्र पौडेल समक्ष महान्यायाधिवक्ताको कार्यालयको आर्थिक वर्ष