घरभाडामा बस्ने भारतीयहरुबाट घरधनीका परिवारलाई बेहोस बनाई लुटपाट

धनगढी। कञ्चनपुरमा भाडामा बस्दै गरेका भारतीयहरुले घरबेटीको परिवारका सबै सदस्यहरुलाई बेहोस बनाएर लुटपाट गरेका छन् । प्रहरीका अनुसार भीमदत्त नगरपालिका–३ को शुभप्रभात टोलका सन्तोष पाण्डेका परिवारका सबै सदस्यलाई बेहोस बनाएर सोही घरमा लुटपाट भएको हो ।

कोठा भाडा लिएर बस्दै आएका दुई जना भारतिय नागरिकले घरबेटीका सबैलाई बेहोस बनाएर लुटपाट गरेको प्रहरीले जनाएको छ । उनीहरु उक्त घरमा दुई दिन अगाडि मात्र भाडामा बस्न आएका थिए ।

भारतीय नागरिकले मिठाई र केकमा नशालु पदार्थ खुवाई लुटपाट गरेका थिए । गरगहना, नगद, मोबाइल, कम्प्युटर लगायतका सरसामान चोरी गरेका छन् । लुटपाटमा संलग्न भारतीय नागरिकको पहिचान भने नखुलेको प्रहरीले जनाएको छ ।