अन्तर्राष्ट्रिय मैत्रीपूर्ण फुटबल : दोस्रो हाफमा भारतलाई अग्रता

काठमाडौं । नेपाल र भारतबीचको मैत्रीपूर्ण फुटबल खेलमा नेपालले सुधारिएको प्रदर्शन गर्दै पहिलो हाफ बराबरीमा रोक्न सफल भएपनि दोस्रो हाफमा भारतले अग्रता लिँदै जितको नजिक पुगेको छ ।

खेलको ८० औं मिनेटमा भारतका कप्तान सुनील क्षेत्रीले गोल गरेका छन् । यसअघि खेलको ६२औं मिनेटमा भारतका फारुख चौधरीले गोल गर्दै टिमलाई अग्रता दिलाएका थिए ।

दोस्रो हाफ सुरुभएलगत्तै ४६औं मिनेटमा मैदानमा छिरेका चौधरीले गोल गरेका हुन् । भारतीय कप्तान सुनिल क्षेत्रीले गरेको क्रसलाई चौधरीले गोलमा परिणत गरेका थिए ।