काठमाडौं । नेपालमा पछिल्लो २४ घण्टामा ३६५१ जनामा कोरोना भाइरसको संक्रमण पुष्टि भएको छ । पीसीआर विधिबाट २६०९ र एन्टिजेन विधिबाट १०४२ जनामा संक्रमण पुष्टि भएको हो ।
स्वास्थ्य मन्त्रालयले सोमबारको प्रेस ब्रिफिङमा सो जानकारी दिएको हो । योसँगै नेपालमा कुल संक्रमितको संख्या पीसीआरबाट ७ लाख १७ हजार ४८६ र एन्टिजेनबाट ६९ हजार ५२० जना पुगेको छ ।
यस्तै, आज थप १७८४ जना कोरोना संक्रमण मुक्त भएका छन् । योसँगै कुल कोरोना संक्रमण मुक्त हुनेको संख्या ६ लाख २१ हजार ८३ जना पुगेको छ । निको हुनेको दर ९३।५ प्रतिशत छ ।
आज संक्रमणबाट थप २२ जनाको मृत्यु भएको छ । नेपालमा कोरोनाबाट मृत्यु हुनेको संख्या १० हजार ११५ पुगेको छ ।
प्रतिक्रिया