नागरिकता अध्यादेश विरुद्धको रिट हेर्दाहेर्दैमा, अर्को सुनुवाइ जेठ २७ गते

काठमाडौं । संवैधानिक इजलासले नागरिकता अध्यादेश माथिको रिटको सुनुवाइ गर्दै हेर्दाहेर्दैमा राखेको छ ।

रिटमाथि सुनुवाइ गर्न प्रधानन्यायाधीस चोलेन्द्र शमशेर जबराले आजै वरिष्ठतम् न्यायाधीससम्मिति पाँच ससदस्यीय इजलास गठन गरेका थिए ।

आज सो रिटमाथि प्रारम्भिक सुनुवाइ मात्र भएको छ । यसमाथि अर्को सुनुवाइ जेठ २७ गते गर्नेगरी हेर्दाहेर्दैमा राखिएको छ । आज चार जना रिट निवेदको तर्फबाट बहस भएको छ ।

नागरिकता अध्यादेश विरुद्ध वरिष्ठ अधिवक्ता बोर्णबहादुर कार्कीको सहित ६ वटा अलगअलग निवेदन परेका छन् ।

राष्ट्रपति विद्यादेवी भण्डारीले यही जेठ ९ गते नेपाल नागरिकता .(पहिलो संशोधन) अध्यादेश, २०७८ जारी गरेकी थिइन् । प्रधानमन्त्रीले केपी शर्मा ओलीले जनता समाजवादी पार्टी जसपाको महन्थ ठाकुर पक्षलाई फकाउन यो अध्यादेश ल्याएका थिए ।