काठमाडौं । इंग्लिस प्रिमियर लिगअन्तर्गत गएराति सम्पन्न खेलमा म्यानचेस्टर युनाइटेड बराबरीमा रोकिएको छ ।
मंगलबार राति सम्पन्न खेलमा खेलमा युनाइटेड फुलहमसँग १-१ गोलको बराबरीमा रोकिएको हो । घरेलु मैदानमै सम्पन्न खेलमा सुरुवाती अग्रता जोगाउन नसक्दा युनाइटेड बराबरीमा रोकिएको हो ।
खेलको १५ औं मिनेटमै एडिन्सन काभानीकोे गोलमा युनाइटेडले अग्रता बनाएको थियो । तर, खेलको ७६ औं मिनेटमा जोइ ब्रायनले गोल गर्दै फुलहमलाई १-१ गोलको बराबरीमा फर्काए ।
बराबरीसँगै ३७ खेल खेलेको युनाइटेड ७१ अंकका साथ दोस्रो स्थानमा यथावत् रहेको छ । समान खेल खेलेको फुलहम भने २८ अंकका साथ १८औं स्थानमा छ । फुलहम यसअघि नै रेलिगेसनमा परिसकेको छ ।
प्रतिक्रिया