आजको मौसम : १, २, र गण्डकी प्रदेशमा आंशिकदेखि सामान्य बदली, बाँकी भू-भागमा आंशिक बदली

काठमाडौं । हाल देशभरको मौसममा पश्चिमी वायुको आंशिक तथा अरेबीयन सागरमा रहेको न्युन चापीय क्षेत्रको प्रभाव कायम रहेको छ ।

हाल प्रदेश २ र बागमती प्रदेशका भू-भागहरुको मौसममा आंशिकदेखि सामान्य बदली भएको छ । त्यस्तै पूर्वी र पश्चिमी तराईका केही भू-भागहरुमा हुस्सु र कुहिरो लागेको जल तथा मौसम विज्ञान विभागले जनाएको छ।

आज दिउँसो प्रदेश नं १, प्रदेश २, तथा गण्डकी प्रदेशका भू-भागहरुको मौसममा आंशिकदेखि सामान्य बदली हुने सम्भावना रहेको छ । देशका बाँकी भू-भागको मौसममा आंशिक बदली हुने सम्भावना रहेको विभागले जनाएको छ ।

त्यसैगरी आज राती देशको पहाडी भू-भागहरुको मौसममा आंशिक बदली हुने सम्भावना रहेको छ । त्यस्तै देशका बाँकी भू-भागको मौसम सामान्यतया सफा रहने जल तथा मौसम विज्ञान विभागले जनाएको छ ।