आजको मौसम : १, २ र बागमती प्रदेशको मौसममा आंशिक बदली, बाँकी क्षेत्रको मौसम सामान्यतया सफा

काठमाडौं । हाल देशभरको मौसममा पश्चिमी वायुको आंशिक प्रभाव कायम रहेको छ । हाल देशको तराईका अधिकांश भू-भागमा कुहिरो र हुस्सु लागेको छ ।

आज विहान ६ बजे काठमाडौंको तापक्रम ५ डिग्री सेल्सियस रहेको छ । आद्रता ८४ प्रतिशत रहेको छ भने बायुको गति ५ किलोमिटर प्रति घण्टा रहेको जल तथा मौसम विज्ञान विभागले जनाएको छ ।

आज दिउँसो प्रदेश नं १, प्रदेश २ र बागमती प्रदेशको मौसममा आंशिक बदली हुने सम्भावना रहेको छ । त्यस्तै देशका बाँकी भू-भागको मौसम सामान्यतया सफा रहने विभागले जनाएको छ ।

आज राती प्रदेश नं १, प्रदेश २, बागमती प्रदेश, गण्डकी प्रदेश र लुम्बिनी प्रदेशका भू-भागहरुको मौसममा आँशिक बदली रहने सम्भावना देखिएको छ ।

त्यस्तै देशका बाँकी भेगको मौसम सामान्यतया सफा रहने जल तथा मौसम विज्ञान विभागले जनाएको छ ।