माछापुच्छ्रे बैकका खातावालाले घर बसीबसी डिजिटल भुक्तानी गर्न सक्ने

काठमाडौं । माछापुच्छ्र बैंक लिमिटेडले आफ्नो संस्थागत ग्राहकहरुका निम्ति बैंक खाताबाटै डिजिटल भुक्तानी गर्न सकिने ब्यवस्था मिलाएको छ । डिजिटल भुक्तानीको ब्यवस्था मिलाउनका लागि बैंकले ‘corporatePAY’ नेपाल क्लियरिङ्ग हाउस लिमिटेड सँग सम्झौता गरेको जनाएको छ । बैंकले दिएको जानकारी अनुसार सम्झौता पत्रमा माछापुच्छ्रे बैंक लिमिटेडका प्रमुख कार्यकारी अधिकृत सन्तोष कोइराला तथा नेपाल क्लियरिङ्ग हाउस लिमिटेडका प्रमुख कार्यकारी अधिकृत नीलेश मान सिंह प्रधानले हस्ताक्षर गरेका छन् ।

सम्झौता पश्चात माछापुच्छ्रे बैंकका व्यावसायिक ग्राहकहरुले (बिभिन्न संघ संस्था, सरकारी कार्यालयहरु)बैंकको मोवाइल बैंकिङ्ग एप तथा इन्टरनेट बैंकिंङ्ग एप मार्फत बैंकमा नगई जहाँकहिँबाट आफैले फण्ड ट्रान्स्फर, तलबभुक्तानी, विभिन्न सेवाहरुको भुक्तानी, सरकारी राजस्व भुक्तानी लगायतका अन्य विभिन्न व्यावसायिक भुक्तानीहरु खाताबाटै सजिलै गर्न सक्ने बैंकले प्रकाशन गरेको बिज्ञप्तिमा उल्लेख गरेको छ । बैंकका अनुसार यस प्रणाली मार्फत connectIPS अथवा  NCHL-IPSdf रियल–टाइम वानन–रियल टाइममा भुक्तानी कारोबारहरु गर्न सकिने छ । यस प्रणालीबाट कारोबार गर्दा बैंक तथाcorporatePAYदुबैतर्फबाट सुरक्षाका अधिकतम उपायहरु अपनाईएको हुदाँ माछापुच्छ्रे बैंकको डिजिटल माध्यम मार्फत हुने कारोबार सुरक्षित र भरपर्दो रहने बैंकले दाबी गरेको छ ।

corporatePAY प्रणालीको सुरुवातले बैंकका व्यावसायिक ग्राहकहरुलाई पनि डिजिटल भुक्तानीको सेवाप्रदानगर्न थप टेवापुग्ने विश्वास गरिएको छ । यस प्रणालीको प्रयोग र विस्तार पश्चात बैंक शाखा नपुगी विभिन्न भुक्तानी अनलाईन नै गर्न सकिने हुँदा व्यावसायिक ग्राहकहरुलाई अझ बढि सहजहुने बैंकले विश्वास लिएको छ ।