ज्येष्ठ नागरिक दिवसमा बुटवलको ज्येष्ठ नागरिक आश्रमका ज्येष्ठ नागरिकलाई शान्ति समाजको न्यानो कपडा

बुटवल । अन्तराष्ट्रिय ज्येष्ठ नागरिक दिवसको अवसरमा मानबअधिकार तथा शान्ति समाज रुपन्देहीले बृद्धआश्रमका ज्यष्ठ नागरिक आश्रमका ज्यष्ठ नागरिकहरुलाई न्यानो कपडा बितरण गरेको छ ।

शान्ति समाजले बुटवल स्थित सिद्बबाबा दुर्गा भवानी शिबकुमारी सैंजु जेष्ठ नागरिक आश्रमका १० जना जेष्ठ नागरिकलाई २१२५० मुल्य बराबरका जाडोका कपडाहरु बितरण गरेको हो । जाडो याम सुरु हुने पूर्वसंध्यामा ज्येष्ठ नागरिकलाई आवश्यक ट्र्याक सुट, दोसल्ला, टोपि, मोजा उपलब्ध गराइएको समाजका सभापति धनपति खनालले बताए ।

ज्येष्ठ नागरिक दिवस कै अवसरमा समाजले साझा हस्पिटल प्रालिमा उपचारारत बिरामिहरुलाई फलफुल, दूध उपलब्ध गराउंदै स्वास्थ्यलाभको कामना गरेको छ । न्यानो कपडा बितरण तथा फलफुल बितरणमा शाखा सभापति धनपती खनाल (डि पि), केन्द्रिय सदस्यद्वय मिना ढकाल र कृष्ण पंगेनी, अधिकारकर्मी कमला पान्डे, कृष्ण पाण्डे , जमुना पौडेल लगाएतको सहभागिता रहेको थियो।