कपिलवस्तुकी थप एक कोरोना संक्रमित महिलाको बुटवलमा मृत्यु

बुटवल । बिहीबार बेलुका कपिलवस्तुकी थप एक कोरोना संक्रमितको बुटवलमा मृत्यु भएको छ ।

कपिलवस्तु नगरपालिका वडा नं ११ बनगाईकी ७० वर्षीया महिलाको उपचारको क्रममा मृत्यु भएको हो ।

बुटवल कोरोना विशेष (अस्थायी) अस्पतालमा उपचारका क्रममा बिहीबार साँझ साढे ५ बजे मृत्यु भएको बुटवलस्थित कोरोना विशेष अस्थायी अस्पतालमा मृत्यु भएको लुम्बिनी प्रांदेशिक अस्पतालका सूचना अधिकारी डा.विष्णु गौतमले जानकारी दिए ।

दम, मिर्गौला र रगतमा खराबी देखिएकी महिला असोज ३ गते अस्पताल आएकी थिइन । पीसीआर रिपोर्ट पोजिटिभ आएपछि कोरोना विशेष (अस्थायी) अस्पतालमा उपचारमा राखिएको थियो । स्थिति जटिल बनेपछि उनलाइ बिहीबार बिहान भेन्टिलेटरमा सारिएको थियो । र साझ उनको मृत्यु भएको गौतमले बताए ।