काठमाडौं । अछामबाट निर्वाचित संघीय सांसद यज्ञबहादुर बोगटीलाई कोरोना संक्रमण पुष्टि भएको छ ।
अछाम निर्वाचन क्षेत्र नं. २ बाट निर्वाचि सांसद बोगटीले आफुलाई संक्रमण भएको पुष्टि गरेका छन् ।
बोगटी ललितपुरमा बस्छन् । यसअघि उनकै टोलका एक जनालाई कोरोना संक्रमण भएको थियो । त्यसपछि बोगटीले पनि आफ्नो स्वाव नमुना परीक्षण गराएका थिए ।
साउन ३० गते शुक्रराज ट्रपिकल तथा सरुवा रोग अस्पताल टेकुमा पहिलो रिपोर्ट नेगेटिभ आए पनि दोस्रो रिपोर्ट मंगलबार पोजेटिभ आएको थियो ।
बोगटी अहिले कीर्तिपुरस्थित आयुर्वेद अस्पतालको आइसोलेसनमा छन् ।
साउन १७ गते अछामबाट फर्किएका बोगटी साउन २५ गतेसम्म संसदीय समितिका बैठकमा सहभागी भएका थिए ।
प्रतिक्रिया