बङ्गलादेशका राजदुतले गरे राष्ट्रपति भण्डारीसँग बिदाई भेट

काठमाडौं । नेपालका लागि जनगणतन्त्र बङ्‌गलादेशका राजदूत मासफिबिन्टे शामस् आइतबार राष्ट्रपति बिद्यादेवीभण्डारी समक्ष शिष्टाचार बिदाइ भेट गरेका छन् ।

बिदाई भेटका अवसरमा राष्ट्रपति भण्डारीबाट राजदुत शामस्लाई आफ्नो कार्यकाल सफलतापूर्वक सम्पन्न गर्नु भएकोमा बधाई दिँदै भविष्यमा नेपाल र बङ्‌गलादेश बीचको सम्बन्ध अझ सुदृढ हुने विश्वास व्यक्त गरेकी थिईन् । कार्यक्रममा बोल्दै राष्ट्रपति भण्डारीले नेपाल र बंगलादेशलाई प्रकृतिले दिएको स्रोत र साधनलाई दुवै मुलुकको विकास र समृद्धिका लागि सदुपयोग गर्न सहकार्य गर्नुपर्ने कुरा उल्लेख गरिन् । उनले एक छिमेकी मित्रराष्ट्रका रूपमा नेपालले बङ्‌लादेशसँगको सम्बन्धलाई सधैँ उच्च महत्व दिएको बताईन्।

भण्डारीले यही वर्ष बंगलादेशका राष्ट्रपिता बंगबन्धुको सयौं वार्षिकोत्सव भएकोले सम्पूर्ण बङ्‌गलादेशी जनतालाई बधाई तथा शुभकामना पनि दिएकी थिईन् ।