नेपालगन्ज । पछिल्लो २४ घण्टामा बाँकेमा १६ जना संक्रमित थपिएका छन् ।
भेरी अस्पतालको प्रयोगशालामा गरिएको पीसीआर परीक्षणमा २ जना चिकित्सक, ३ जना प्रहरी, ८ जना नेपालगन्ज उपमहानगरका स्थानीयबासी र ३ जना डुडुवाका स्थानीयबासीमा कोरोना पुष्टि भएको छ ।
कोरोना पुष्टि भएका चिकित्सकहरु नेपालगन्ज मेडिकल कलेजमा कार्यरत चिकित्सक हुन् भने संक्रमित हुने प्रहरीहरु वडा प्रहरी कार्यालय नेपालगन्जका कार्यरत प्रहरी हुन् ।
सोमबारसम्ममा नेपालगन्जका ८ जना स्थानीयबासीमा कोरोना देखिएको छ । भेरी अस्पतालको रिपोर्टमा ३ जना डुडुवाका स्थानीयमा पनि संक्रमण पुष्टि भएको छ ।
भेरी अस्पतालको प्रयोगशालामा दाङका १ जना, कैलालीका २ जना र बर्दियाका २ जनामा पनि कोरोना पुष्टि भएको छ ।
भेरी अस्पतालमा परीक्षण गरिएको स्वावमा अहिले सम्ममा ११०५ जनामा संक्रमण पुष्टि भएको छ । बाँकेमा संक्रमणको क्रम नरोकिएपछि हाल नेपालगन्ज उपमहानगरका अधिकांस स्थान सिल गरिएको छ भने जिल्लामा स्थानीय प्रशासनको निषेधाज्ञा जारी छ ।
देखिएका संक्रमितमा केहिको अवस्था गम्भिर रहेको बाँकेमा प्रमुख जिल्ला अधिकारी रामबहादुर कुरुम्वाङले बताए ।
प्रतिक्रिया