सवारी दुर्घटनामा मृत्यु भएका ११ जनाको सनाखत

नेपालगन्ज । बाँकेको ठुरिया जंगलमा आइतवार राती भएको सवारी दुर्घटनामा मृत्यु भएकामध्ये ११ जनाको नाम खुलेको छ । एक जनाको सनाखत हुन बाँकी छ ।

बांके प्रहरीका प्रहरीका अनुसार अहिलेसम्म पहिचान भएका मृतकहरुमा बुद्धिराम बिक, भीमबहादुर बिक, दिलबहादुर बिक, नरेन्द्र बिक, मोहनचन्द्र बिक, रामबहादुर पुन, पुर्णबहादुर पुन, सीता पुन, दानबहादुर खड्का, पवन भण्डारी र रितेश खड्का रहेका छन् । नाम पत्ता लागेपनि ठेगाना भने अझै पत्ता नलागेको प्रहरीले जनाएको छ । १ जनाको भने अहिले सम्म सनाखत हुन सकेको छैन ।

यस्तै दुर्घटनामा परी घाइते भएका चार जनाको अवस्था गम्भीर रहेको छ । दुर्घटनामा २१ जना घाइते भएका थिए । उनीहरुको भेरी अस्पताल नेपालगञ्जमा उपचार भइरहेको जिल्ला प्रहरी कार्यालय बाँकेका प्रहरी निरीक्षक हृदेश सापकोटाले जानकारी दिनुभयो ।

भारतबाट मजदुरी गरेर फर्केका उनीहरु सीमाबाट नेपाल छिरे लगत्तै सल्यान जांदै थिए । घाइते हुनेहरुमा सबैभन्दा धेरै सल्यानका रहेका छन् ।