कोरोना संक्रमित भागे सुरक्षाकर्मीले गोली चलाउन पाउने

काठमाडौं । उपचारका लागि अस्पताल भर्ना भएका वा आइसोलेसनमा रहेका कोरोना संक्रमित भाग्न थालेपछि सरकारले कडाई गर्न थालेको छ ।

पछिल्लो समय पर्साबाट २ जना संक्रमित भागेपछि कडाई गर्न सर्बत्र माग हुंदै आएको थियो । परिणामस्वरुप पर्सामा कोरोना संक्रमित व्यक्ति आइसोलेसन वा अस्पतालबाट भागे सुरक्षाकर्मीले गोली चलाउन सक्ने निर्णय गरिएको छ ।

प्रमुख जिल्ला अधिकारी विष्णुकुमार कार्कीको अध्यक्षतामा बसेको संकट व्यवस्थापन समितिले यस्तो निर्णय गरेको हो ।

बिहीबार नारायणी अञ्चल अस्पतालको आइसोलेसन वार्डमा भर्ना भएका दुई जना संक्रमित फरार भएका थिए ।

बैठकले ३० वैशाखदेखि लागू गरिएको निषेधाज्ञालाई थप प्रभावकारी कडा बनाउने पनि निर्णय गरेको छ ।

बैठकले कोरोना संक्रमितको कन्ट्याक ट्रेसिङका लागि जिल्ला स्वास्थ्य कार्यालयको नेतृत्वमा नेपाली सेना, नेपाल प्रहरी र सम्बन्धित स्थानीय तहको प्रतिनिधि रहेको कार्यदल गठन गर्ने पनि निर्णय गरेको छ ।