विभिन्न स्थानबाट घरमा फर्किएका ४ जनालाइ तिनाउ गाउपालिकाको क्वारेन्टाइनमा राखियो

दोभान । पाल्पाको तिनाउ गाउँपालिकाले विभिन्न स्थानबाट घरमा फर्किएका ४ जनालाइ क्वारेन्टाइनमा राखिएको छ ।

चितवनबाट फर्किएका ३ र काठमाडौँबाट फर्किएका १ गरी ४ जनालाइ क्वारेन्टाइनमा राखिएको गाउँपालिकाका अध्यक्ष ओमबहादुर घर्तिले बताउनुभयो ।

उनीहरूमध्ये तिनाउ २ नुवाकोटको क्वारेन्टाइनमा ३ र तिनाउ ६ बेलडाँडाको क्वारेन्टाइनमा १ जनालाइ राखिएको उहाले बताउनुभयो । उनीहरूको नियमित स्वास्थ्य परीक्षण, खाना, नास्ताको व्यवस्था रहेको गाउँपालिकाले जनाएको छ ।

तिनाउमा यसअघि कुनै पनि मानिस क्वारेन्टाइनमा थिएनन् । पहिलो चरणमा ४ लाख ५० हजारको खाद्यान्न सामाग्री राहत वितरण गरेको गाउँपालिकाले सबै वडाहरुमा गरिव तथा विपन्न वर्गलाई ६ लाख मूल्य बराबरको खाद्यान्न सामाग्री राहत वितरण गर्न सुरु गरेको गाउँपालिका प्रवक्ता तथा वडा नम्बर २ का अध्यक्ष राजेश श्रेष्ठले बताउनुभयो ।

लकडाउन अवधिमा अनावश्यक घर बाहिर ननिस्कन तथा पछिल्लो १४ दिनयता विदेशबाट आएका कुनै नागरिक भएमा गाउँपालिकामा खबर गर्नका लागि उहाले आग्रह गर्नुभएको छ ।