काठमाडौ । र्यापिड टेस्टमा चितवनका एक जनामा कोरोना भाइरस पोजेटिभ देखिएको छ । रत्ननगरमा गरिएको आरडिटी परीक्षणका क्रममा कोरोना भाइरसको संक्रमण पोजेटिभ देखिएको रत्ननगर नगरपालिकाले जनाएको छ ।
दक्षिण कोरियाबाट ३२ दिनअघि आएका ४७ वर्षीय पुरुषमा र्यापिड टेस्टका क्रममा कोरोना पोजेटिभ देखिएपछि अहिले गुञ्जमानसिंह अस्पतालको आइसोलेसन वार्डमा राखेर उपचार सुरु गरिएको अस्पतालका प्रशासन प्रमुख मोहन खड्काले जानकारी दिएका छन् ।
ती व्यक्तिको स्वाब संकलन गरेर थप परीक्षणका लागि भरतपुर पठाइएको छ । स्वाबको रिपोर्टका आधारमा उनलाई कोरोना संक्रमण भए नभएको टुंगो लाग्नेछ । र्यापिड टेस्टमा पोजेटिभ देखिएका केही व्यक्तिमा पछि स्वाब परीक्षणका क्रममा नेगेटिभ देखिने गरेको छ ।
प्रतिक्रिया