२ माघ २०८१, बुधबार | January 15, 2025

भोलिबाट सुरु हुने एमालेको विधान महाधिवेशनको सबै तयारी पुरा



काठमाडौं । नेकपा एमालेले विधान महाधिवेशनको सम्पूर्ण तयारी पुरा भएको जनाएको छ ।

बिहीबार एमाले विधान महाधिवेशन मुल व्यवस्थापन समितिले पत्रकार सम्मेलन गरी ललितपुरको गोदावरीमा आयोजना हुन लागेको विधान महाधिवेशनको तयारी पुरा भएको जनाएको हो । महाधिवेशन भोलिबाट सुरु हुँदैछ ।

भोलि दिउँसो सवा १२ बजे अध्यक्ष केपी शर्मा ओलीले महाधिवेशनको उद्घाटन गर्नेछन् । उद्घाटन सत्रलाई अध्यक्ष ओली लगायतका नेताहरुले सम्बोधन गर्नेछन् ।

सम्मेलनमा ६ हजार प्रतिनिधिले भाग लिनेछन् । ३ हजार क्षमताको सनराइज हलमा नहटेका प्रतिनिधिहरुलाई टेन्टमा राख्ने व्यवस्था मिलाइएको छ । मञ्च व्यवस्थापनको काम पनि सकिएको मुल व्यवस्थापन समितिले जनाएको छ ।

उद्घाटन सत्रपछि ३ वटा प्रस्ताव हलमा पेश हुनेछ । प्रतिनिधिका १७ वटा समुह बनाएर ती प्रस्तावमाथि छलफल हुनेछ ।

पत्रकार सम्मेलनमा सञ्चारकर्मीहरुको प्रश्नको जवाफ दिँदै स्थायी कमिटी सदस्य रामबहादुर थापाले जबज जनवादी कार्यक्रम भएकोले अहिले पनि सान्दर्भिक भएको बताए । थापाले महाधिवेशनले सिद्धान्तको निर्माण गर्ने बताउँदै देश र समाजको दीर्घकालीन सोच र परिवर्तन तथा नेपाल र नेपालीको भविष्यको विकास गर्न सार्थक हुने विश्वास व्यक्त गरे । उनले महाधिवेशनमा राजनीतिक प्रतिवेदन, सांगठनिक प्रतिवेदन र विधान संसोधन प्रतिवेदन पेस हुने बताउँदै उत्पादक शक्ति र राष्ट्रिय पूँजीको विकास गर्ने कार्यक्रमहरु जबजमा रहेको बताउँदै जबजलाई अघि लिएर जानुपर्ने बताउँदै जबजका बारेमा राष्ट्रिय विधान महाधिवेशनमा प्रश्तुत गरिने जानकारी दिए ।

असोज १७ समूहगत छलफलपछि आएका सुझावलाई समेटेर पार्टीको विधान पारित गर्दै महाअधिवेशन समापन हुने कार्यक्रम रहेको छ ।

महाधिवेशनमा सहभागी हुन आएका प्रतिनिधिहरुलाई सातदोबाटोबाट सटल बसले सम्मेलनस्थल पुर्याउनेछन् । सहभागीहरुलाई बिहानको खाना र दिउँसोको खाजाको व्यवस्था गरिएको छ । साँझको खानाका लागि भने सम्बन्धित पार्टी कमिटीले नै व्यवस्था मिलाएका छन् ।

 

 

प्रकाशित मिति : १४ आश्विन २०७८, बिहिबार  ३ : ३७ बजे

पर्यटन उद्योगको विकासका लागि हरसम्भव सहयोग हुने प्रधानमन्त्रीको प्रतिबद्धता

काठमाडौं । प्रधानमन्त्री केपी शर्मा ओलीले स्थानीय सुकेधारामा निर्माण भएको

अर्थतन्त्रलाई सबल बनाउन सरकारले ध्यान दिएको छ : प्रधानमन्त्री

काठमाडौं । नेपाल उद्योग वाणिज्य महासङ्घसहित निजी क्षेत्रका सङ्घ–संस्थाले हालै

विपक्षी दलले भोलि पत्रकार सम्मेलन गर्ने

काठमाडौं। संघीय संसदका विपक्षी ६ दलहरूले भोलि पत्रकार सम्मेलन गर्ने

रवि लामिछानेको थुनछेक बहस जारी

काठमाडौं । राष्ट्रिय स्वतन्त्र पार्टीका सभापति रवि लामिछानेको मुद्दामा थुनछेक

सत्तरी वर्षमाथिका खोटाङका पत्रकारलाई पेन्सनको व्यवस्था हुँदै

खोटाङ । नेपाल पत्रकार महासङ्घ खोटाङ शाखाले ७० वर्षमाथिका पत्रकारलाई