बुटवल । लुम्बिनी प्रदेशको श्रम, रोजगार तथा यातायात ब्यवस्था मन्त्रालय, यातायात ब्यवस्थापन कार्यालय सवारी चालक अनुमतिपत्रबाट परिक्षणकालिन सवारी चालक अनुमति पत्र सेवा शुरु गरिएको छ ।
एक समारोहकाबिच प्रदेशका मुख्यमन्त्री कुल प्रसाद केसीले सवारी पत्र प्रिन्ट गरि औपचारिक उद्घाटन गरेका छन । मुख्यमन्त्री केसीले १० जना सेवाग्राहीलाई सवारी चालक प्रमाणपत्र हस्तान्तरण पनि गरे ।
कार्यक्रममा बोल्दै मुख्यमन्त्री केसीले नेपालमै लुम्बिनी प्रदेशमा पहिलोपल्ट यो सेवा शुरु गरेको दाबी गरे । सेवाग्राहीबाट धेरै समस्याको गुनासो आईरहेको बेला यो परिक्षणका रुपमा सेवा शुरु गरेको उनले बताए ।
कार्यालयका प्रमुख तेजनारायण यादवले कार्यालयबाट नया सवारी चालक अनुमति पत्रको प्रिन्ट शुरु भएको बताए । अबको एक हप्तामा नविकरणको काम समेत शुरु हुने भन्दै यसका लागि आवश्यक प्राविधिक तयारी भैरहेको बताए ।
श्रम तथा रोजगार मन्त्रालयका मन्त्री पुरमती ढेगामगर, सभासद बैजनाथ कलवारले नया सेवासंगै सेवाग्राहीलाई राहत मिल्ने बताए ।
प्रतिक्रिया