काठमाडौं । सत्तारुढ गठबन्धनका नेताहरुले गठन गरेको संयुक्त कार्यदलले सरकार संचालनको न्यूनतम् साझा कार्यक्रम र कार्यविधि आज सार्वजनिक गरिँदै छ ।
सत्तारुढ गठबन्धनका शिर्ष नेताहरुको शनिबार बसेको बैठकले सरकार सञ्चालनका लागि तयार गरिएको न्यूनतम् साझा कार्यक्रम र कार्यविधि सार्वजनिक गर्ने निर्णय गरे अनुसार आज एक कार्यक्रम गरेर सार्वजनिक गरिने भएको हो । आज (आइतबार) अपरान्ह ४ बजेपछि सिंहदरबारमा कार्यदलले तयार पारेको कार्यविधि प्रतिवेदन सार्वजनिक गरिने कायृक्रम तय भएको नेताहरुले बताएका छन् ।
कांग्रेस महामन्त्री पुर्णबहादुर खड्काको संयोजकत्वमा गठन भएको कार्यदलले शुक्रबार कार्यविधि सहितको प्रतिवेदन गठबन्धनका शीर्ष नेतृत्वलाई हस्तान्तरण गरेको थियो ।
कार्यदलका एक सदस्यका अनुसार संयुक्त सरकारको साझा न्यूनतम कार्यक्रम नाम दिइएको उक्त प्रतिवेदनमा संयुक्त सरकारका प्राथमिकतालाई समावेश गरिएको छ ।
प्रतिक्रिया