काठमाडौं । नेपाल कम्युनिष्ट पार्टी नेकपाको प्रचण्ड–नेपाल पक्षको स्थायी कमिटी बैठक आज पनि बस्दैछ ।
पार्टी केन्द्रीय कार्यालय पेरिसडाँडामा बस्ने बैठकमा सरकार विरुद्धको आन्दोलनका थप कार्यक्रम र संगठन निर्माणबारे छलफल हुनेछ ।
प्रधानमन्त्री केपी शर्मा ओलीलाई अध्यक्षबाट हटाएको नेकपाले पार्टी औपचारिक रुपमा फुटिसकेका कारण देशभरको संगठन विस्तारलाई केन्द्रित गर्नेगरी रणनीति बनाउन लागेको हो ।
प्रचण्ड–नेपाल पक्षले महासचिवल लगायत ओली पक्षीय नेताहरुको स्थानमा को कोलाई ल्याउने, पार्टी एकताको बाँकी काम पुरा गर्ने विषयमा साझा धारणा बनाउन बाँकी छ ।
तर, सरकार विरुद्धको आन्दोलनलाई सशक्त बनाउने बिषयमा भने नेताहरु एकमतका साथ अघि बढिरहेका छन् । प्रतिनिधिसभा पुनर्स्थापनाको मुद्दासहित नेकपा यतिबेला सडक आन्दोलनमा छ ।
स्थायी कमिटी बैठकमा सर्वोच्च अदालतमा प्रतिनिधिसभा पुनर्स्थापनाको मुद्दा, पार्टीको नाम र चुनाव चिन्हबारे निर्वाचन आयोगमा भैरहेको कामबारे पनि छलफल हुने बताइएको छ ।
प्रतिक्रिया